seroit bien droit[1] et raisons qu’il meïssent entente[2] a aprendre tele clergie que il ne perdissent seigneurie[3] après ceste vie mortel. Car par nature et par lingnage doivent il tuit[4] amer clergie [et] touz jours aprendre.
[F° 25 a] Car Charlemaine[5] ama moult philosophie[6] et avança en France de son pouoir[7], et retenoit touz les bons clers que il pouoit[8] avoir avec[9] lui, et les mandoit par tout la ou il les savoit. Mainte paine[10] ot et maint annui pour essaucier sainte crestienté. Ne onques pour ce ne vout[11] lessier[12] que il ne tenist clergie près[a]. Et touz jours aprenoit volentiers, et d’astronomie sot assez, si comme l’en treuve en sa vie, et moult fu amez. en Lo-[F° 25 b]heraine. Car il i demoroit[13] volentiers ; et encore y a de ses joiiaus[14] biaus et riches que il donna aus yglises[15], comme preudoume q[ue] il[16] fu. Car il ama moult Dieu et son non. Et se panna[17] moult toute sa vie d’amener clergie en France. Et encore[18] i est ele et regne par sa proesce[19]. Si en est moult bien avenu aus[20] rois qui sont venuz après lui. Car il a conquesté a touz jours sens et clergie en la cité de Paris.
Or doint Diex[21] qu’ele[22] s’i tiengne[23] et que [F° 25 c] la vile en puisse estre maintenue. Car se clergie s’en aloit de France, chevalerie s’en[24] iroit après, comme[25] ele a toz jours fet[26]. Car touz jours se tient près de lui[27]. Si la retiengne li rois de France pour son preu. Car il porroit bien perdre son riaume[28], se clergie se departoit[29] de France. Car Diex l’en desavanceroit, qui avancié l’a et essaucié sus[30] touz autres rois.
Si resont[31] en France unes autres gens[32] qui en nostre tens i sont ve-[F° 25 d]nu[33]. Ce sont freres[34] meneur[35] et jacobins qui se sont mis en religion pour l’amour de Dieu pour aprendre et pour entendre a Dieu servir. Dont Diex nous en a fet[36] si grant honnour que il[37] retiennent toute la fleur de clergie en leur ordre pour adrecier et pour essaucier sainte crestienté par leur estuide et par leur travail[38]. Car il ont mout[39] grant pensée de servir Dieu toute leur vie et d’aprendre clergie et [F° 26 a] sens, comme cil qui ont tout le monde guerpi. Si me semble que il[40] font autresi comme firent cil qui ça an[41] arrieres se mistrent en leur encloitre[42] en sus de gent pour miex enquerre verité du ciel et de la terre. Si en a Diex fet granz[43] bontez a ceus[44] qui en leur[45] citez les ont, et en leur chastiaus[46] et en leur
- ↑ — B : drois.
- ↑ — B : leur entente.
- ↑ — B : seingnorie.
- ↑ — B : touz.
- ↑ — B : Charlemaines.
- ↑ — B : phylosophie.
- ↑ — B : de tout son pooir.
- ↑ — B : pooit.
- ↑ — B : avoec.
- ↑ — B : painne.
- ↑ — B : voult.
- ↑ — B : laissier.
- ↑ — B : i demouroit.
- ↑ — B : ioiaus.
- ↑ — B : as eglyses.
- ↑ — B : qu’il.
- ↑ — B : peinna.
- ↑ — A : euquore.
- ↑ — B : prouesce.
- ↑ — B : as.
- ↑ — B : « Diex » manque.
- ↑ — B : que ele.
- ↑ — A : se tiengne.
- ↑ — B : « s’en » manque.
- ↑ — B : ausi comme.
- ↑ — B : touz iours fait.
- ↑ — B : li.
- ↑ — B : roialme.
- ↑ — B : departoit.
- ↑ — B : seur.
- ↑ — A : seront.
- ↑ — B : genz.
- ↑ — B : qui i sont venuz en nostre tans.
- ↑ — B : frere.
- ↑ — B : menour.
- ↑ — B : fait.
- ↑ — B : « honnour que il » manque.
- ↑ — B : travaill.
- ↑ — B : moult.
- ↑ — B : samble qu’il.
- ↑ — B : en.
- ↑ — B : encloistre.
- ↑ — B : a fait Diex grant...
- ↑ — B : ceuls.
- ↑ — B : lor.
- ↑ — B : chatiaus.
- ↑ « Car Charlemaine... près. » Sydrach S. 572. — Neckam II. 174.