Qu’il vit heureusement en sa pauvreté, ayant en icelle contentement.
ODE XVIII.
E n’ay d’vn riche pourpris
D’iuoire, ou d’or, le lembris
Embelly de ma logette,
Les poultres, tirez des montz
Ne font gemir, las hautz frontz
Des colomnes, ny leur creste.
Ie n’ay point contre la loy
Rauy le sceptre d’vn Roy,
N’y forcé son heritage :
L’honesteté qui me sert
Ne fille souz mon couvert
Vn trop superbe l’anage.
De ma veine, au vers qui sort,
Mon Luth, me parle vn accord,
Le plus riche me courtise.
Ie ne suis moleste aux Dieux,
Ny a personne odieux,
Heureux, chez moy ie me prise.
Au clair matineux retour,
De l’aube, s’enfuit le iour
Qui franchissoit hier carriere,
La Lune n’est pas tousiours
En mesme estat, & son cours
Change sa face premiere.
