Cette page n’a pas encore été corrigée
Physique, & ailleurs, que Dieu n’est nullement composé, mais bien les Anges, d’esprit & d’un corps celeste, suivant les Platoniciens; & suivant les Peripateticiens, de genre, & de difference, ce qui est tres-vray. Or puis qu’au Chapitre de Differentia, il dit, que θεός est composé, & qu’il est au predicament de la substance, jugez s’il n’entend pas expressément des Anges? Cest erreur en avoit fait naistre deux autres, qui avoit donné subjet aux Chrestiens des siecles passez, de blasmer ce Philosophe, disants pour la premiere, qu’il avoit appelle Dieu, Animal : mais ils prenoient autrement le mot Grec qu’il n’est pas : car au lieu de lire ζῶν, c’est à dire vivant, ils lisoient ζῶον Animal. Le premier
