Cette page n’a pas encore été corrigée
ensemble portoit sur les espaules, n’estoit qu’un globe ou sphere presque semblable aux nostres, dont il se servoit pour cognoistre les mouvemens du Ciel ; Ac tunc, dit le mesme Heurnius, disciplinas avitas ipsum excoluisse, sphærámque cœli effigiem confecisse, unde post ea Poëtæ, & mendacißimi Græci, cœli gestationem ipsi affinxerunt. Il est donc tres-asseuré que les anciens avoient certains instrumens, desquels ils se servoient en l’Astrologie ; De conclurre maintenant que ceux qu’il descrit Chomer & autre Rabin Anonime, que j’ay veu à la Bibliotheque du Cardinal de saincte Susane, ayent esté inventez par les premiers Hebreux, les conjectures que je tireray cy-apres m’empeschent de le croire,
