Totes lor mains en tendirent vers Deu :[*]
« Pere de gloire, tu seies merciez [*]
60 Qu’estranges reis n’est sur nos devalez ! »[*]
Nostre emperere a son fill apelé :
« Bels filz, dist il, envers mei entendez :[*]
Veiz la corone qui est desus l’altel ?
Par tel convent la te vueil ge doner :[*]
65Tort ne luxure ne pechié ne mener, [*]
Ne traïson vers nelui ne ferez, [*]
Ne orfelin son fié ne li toldrez ; [*]
S’einsi le fais, g’en lorai Damedeu :[*]
Prent la corone, si seras coronez ; [*]
70O se ce non, filz, laissiez la ester :
Ge vos defent que vos n’i adesez.
« Filz Looïs, veiz ici la corone ? [*]
Se tu la prenz, emperere iés de Rome ;
Bien puez mener en ost mil et cent omes ; [*]
75Passer par force les eves de Gironde, [*]
Paiene gent craventer et confondre, [*]
Et la lor terre deis a la nostre joindre. [*]
— 58 B2 Chascuns ses mains en tendi enuers de ; B1 T. l. m. ont tendues v. d. — 59 B P. d. g. vos soyez aorez — 60 B Questranges rois nait sur nos poeste — 62 A manque ainsi que pour les vers suivants ; D le donne — 64 B2 vous — 65 B Tort ne outrage que vos ne maintendrez — 66 B v. nul home ferez — 67 B de son fie ne toldrez — 68 B Les veues fames tot a droit maintendrez (B2 totes bon d. m.) Seinsi le fais je te dis par verte De dieu seras et de tes genz amez — 69 B P. l. c. sen s. c. — 72 B Fils ce dist charles vez ici (B2 veez ci) la c. ; A veez ci — 74 B En ost porras bien mener .cm. homes — 75 B Passer porras les yaues de gironde — 76 B P. g. tormenter et c. — 77 B1 manque ; B2 Et la l. t. d. a la terre aioindre
