Page:Langlois - Le couronnement de Louis.djvu/199

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

195Ainceis li fai toz les membres trenchier,
Ardeir en feu ne en eve neier ;[*]
Quar se Franceis te veient entrepiez, [*]
Diront Normant en nom de reprovier :[*]
« De si fait rei n’avions nos mestier. [*]
200« Mal dahé ait par mi la croiz del chief [*]
« Qui avuec lui ira mais osteier, [*]
« Ne a sa cort ira por corteier ! [*]
« Del sien meïsme nos poons bien paier. » [*]
Et altre chose te vueil, filz, acointier,
205Que se tu vis il t’avra grant mestier :[*]
Que de vilain ne faces conseillier,
Fill a prevost ne de fill a veier :[*]
Il boisereient a petit por loier ; [*]
Mais de Guillelme le nobile guerrier, [*]
210Fill Aimeri de Narbone le fier, [*]
Frere Bernart de Brebant le guerrier :[*]
Se cil te vuelent maintenir et aidier, [*]
En lor service te puez molt bien fiier. »[*]
Respont li enfes : « Veir dites, par mon chief. » [*]
215Il vint al conte, si li cheï as piez. [*]
Li cuens Guillelmes le coru redrecier ; [*]

    — 196 A en la mer noier — 197 A Q. s. f. le tenoient soz piez ; B Q. s. felon t. tenoient e. ; D la leçon — 198 D la leçon ; B Li uns a lautre le voloient noncier ; A Qui de la guerre se puissent aidier Sempres diront li felon losengier Et li normant lecheor pautonier — 199 B1 auiemes mestier ; B2 auions nos m. — 200 A C. dahait — 201 D la leçon ; B A Por lui ira en grant ost ostoier — 202 A ira plus c. ; B i. p. tornoier — 203 A nos peusmes paier — 205 A Q. s. t. vuels ; B Q. s. t. vis et ta. g. m. — 207 B Fill de p. n. d. f. a closier — 208 B Il tricheroient assez tost por loier — 209 B Mais vez ici g. le g. — 210 B F. a. de n. au vis fier — 211 B F. b. et guibert le proisie — 212 A Et sil t. v. m. e. a. ; B ne aidier — 213 B te porras — 214 B Voir dist li enfes refuser ne le quier — 215 B Vint a g. cheoir li volt as piez — 216 B Mais li frans cuens la amont redrecie