Il li demande : « Dameisels, que requiers ? [*]
— En nom Deu, sire, et manaide et pitié. [*]
Mes pere dit qu’estes buens chevaliers,
220N’a tel baron soz la chape del ciel ;
En vos vueil metre mes terres et mes fiez, [*]
Que les me guardes, nobiles chevaliers, [*]
Tant que ge puisse mes guarnemenz baillier. »
Respont li cuens : « Par ma fei, volentiers. » [*]
225Il li jura seur les sainz del mostier [*]
Ja n’en avra vaillant quatre deniers, [*]
S’il ne li doint de gré et volentiers. [*]
Lors vint a Charle, ne s’en volt delaier ; [*]
Devant le rei se vait agenoillier ;
230« Dreiz emperere, ge vos demant congié ; [*]
Quar il m’estuet errer et chevalchier
Tot dreit a Rome, por saint Pere preier ;
Bien a quinze anz, a celer ne vos quier, [*]
Que m’i promis, mais ne poi espleitier. [*]
235Cestui veiage ne vueil ge plus laissier. »
Li reis li done coroços et iriez,
Si li charja seissante chevaliers, [*]
D’or et d’argent trossez trente somiers ; [*]
Al departir se corurent baisier. [*]
240Par tel convent i ala li guerriers,
Puis ne revint si ot grant encombrier ; [*]
Ainz fu morz Charles que il fust repairiez ; [*]
— 217 B Puis li d. d. que me quiers — 218 A A n. d. — 221 A Que v. v. — 222 B1 Quel me guardez ; B2 Ques me guardez — 224 A Li cuens respont — 225 B par les sainz — 226 B la monte dun denier ; A Jancois naura v. .iiii. d. Ne vous rendra plain droit ne demi pie — 227 B2 de son gre volentiers — 228 A Quil ne volt delaier. — 230 B quar me donez congie — 233 B B. a .v. a. ; B2 ja celer nel v. q. — 234 B Que li promis mais ne li poi paier — 237 A .xl. — 238 B Do. e. da. li dona .x. somiers — 239 B A. d. se sont entrebaisie — 241 B P. n. r. sains ne saufs ne entiers — 242 B A. f. m. c. quil peust repairier
