Page:Langlois - Le couronnement de Louis.djvu/206

La bibliothèque libre.
Le texte de cette page a été corrigé et est conforme au fac-similé.
19
li coronemenz looïs

360Contre lor force n’a la nostre mestier,
Ainz nos convient porquerre un messagier,[*]
A Looïs le convient enveier,
Que il nos viegne et secorre et aidier, [*]
Charles remaigne por son dreit a jugier :[*]
365Vielz est et frailes, ne puet mais chevalchier. »
Et dist Bertrans : « De Deu le dreiturier
Seit confonduz et morz et esragiez [*]
Qui ira ja cest message noncier, [*]
S’iert ses escuz et troez et perciez,
370Et ses halberz desroz et desmailliez,
Et il meïsmes feruz d’un grant espié, [*]
Que l’en le puisse conoistre a messagier ! [*]
Paien nos quierent a cent et a milier.
Or tost as armes, n’avons que delaier ; [*]
375Defendons nos senz point de l’atargier. » [*]
En cels de Rome nen ot que esmaier ; [*]
Pou ont de gent, ne furent cent milier. [*]


XVIII


El mostier fu li cuens al fier visage ; [*]
Dist l’apostoiles, qui fu corteis et sages :[*]
380 « Gentilz om, sire, por Deu l’esperitable, [*]
Quar nos secor contre la gent salvage. [*]
— Hé ! Deus aïde ! » dist li cuens Fierebrace,

    — 361 B Il n. c. — 363 A secore et aidier — 364 B por la terre guaitier — 367 B2 et vils le messagier ; B1 et mors le messagier — 368 B1 Qui ira la — 371 B feruz de .ii. espiez — 372 B que len puist bien — 374 B soions preuz et legier — 375 B Et du defendre ne soions pas lasnier — 376 B2 lors not que e. — 377 B Poi sont paien — 378 A Al m. f. Guillelmes a. f. v. — 379 C qui fu et proz et sages — 380 A Manque. — 381 A Quar nos ferons ; C Q. me secore