Page:Langlois - Le couronnement de Louis.djvu/208

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

Il vest l’halberc et le vert helme lace, [*]
Et ceint l’espee par les renges de paile. [*]
L’en li ameine le balcent en la place ;[*]
410Li cuens i monte, que il estrier n’i baille. [*]
A son col pent une vermeille targe, [*]
Entre ses poinz un reit espié qui taille, [*]
A cinc clos d’or une enseigne de paile :[*]
« Sire apostoiles, » dist Guillelmes li sages,
415« Combien avez de gent en vostre marche ? » [*]
Dist l’apostoiles : « Gel vos dirai senz faille :[*]
Trei mile somes, n’i a cil n’ait ventaille, [*]
Et fort espié, et espee qui taille, » [*]
Respont li cuens : « C’est bele començaille.[*]
420Armer les faites, et tote la pietaille, [*]
Qui nos tendront les portes et les barres. »[*]
Et cil respont : « Bien est dreiz qu’on le face. »[*]
Par tote Rome s’arote li barnages. [*]
Quant armé furent, si vindrent en la place.[*]
425Li apostoiles lor a fait un seignacle :
« Seignor baron, » dist l’apostoiles sages,

    — 407 B1 et puis lelme apres l. ; B2 et apres lyaume l. — 408 B1 a l. r. d. p. ; B2 qui la renge auoit large ; C Et auoit chainte lespee bone et large — 409 B beaucent en mi ; A lauferrant — 410 A que il estrier ni b. ; B Et il i monte ; B2 que point le. ni b. — 411 manque ainsi que les 2 suivants dans C. — 412 B En son poing prent — 413 B A .v. c. dor gonfanon i (B1 li) atache — 415 A de gent de v. m. ; B C de gent auez e. v. m. — 416 B ce sauez sans atarge ; C bien le sarai retraire — 417 C .iii.m. s. lacies les ventailles ; B .iiii.m. homes — 418 C As f. c. as e. q. t. — 419 C cest bone c. ; B1 Et dist li quens ; B2 Li quens a dit — 420 C Armer le fait ; B Armer les faites sire apostoiles sages Et en après (B2 Et apres ce) trestote la pietaille — 421 C Qui lor — 422 C Et cil respondent raison est con le f. ; A quon le sache — 423 A acueillent lor voiage ; C P. trestot r. sarouent li b. — 424 A1 et tuit en une place ; A2 et venu en la place ; C tost furent en la place