« Qui en cest jor morra en la bataille [*]
En paradis avra son herberjage, [*]
Que nostre sire a ses buens amis guarde ;
430Sainz Gabriel li sera guionages. » [*]
Lors se leva chascuns en son estage
Envers la gent et orgoillose et male. [*]
Si come ils vindrent, hurtent par lor otrage [*]
A la grant porte, qui n’esteit mie basse :
435« Seignor baron, » dist l’apostoiles sages,
« Ici endreit guarderez cest barnage ;[*]
G’irai parler a l’amirant Galafre ; [*]
Se por aveir que prometre li sache
Vuelt retorner et ses nés et ses barges, [*]
440Et ses granz oz, qui sont sor cel rivage, [*]
Ge li dorrai le grant tresor de l’arche ;[*]
N’i demorra ne calice ne chape, [*]
Or ne argent, ne qui un denier vaille, [*]
Ainz qu’il i muire tanz gentilz omes sages, » [*]
445Et cil respondent : « Bien est dreiz qu’on le sache. »[*]
A tant s’en torne, o lui s’esmu uns abes ; [*]
De ci al tref de neient ne s’atarge. [*]
Iluec trova le riche rei Galafre ;
Pas nel salue, n’est pas dreiz que le face. [*]
450Li riches reis par fierté le reguarde.
— 427 C Qui hui c. j. ; A omet ce vers et les huit suivants ; il a confondu les vers 425 et 435 — 428 B2 sera son heritage ; B1 sera son herbergage — 430 C li fera g. — 432 B orgueilleuse et sauuage — 433 B Si come issir durent deuers la barge — 436 B le barnage ; C Manque. — 437 A a l’amirant aufage — 439 C et sa nef et sa barge ; A a s. n. e. s. b. ; B et as n. e. as b. — 440 C manque. ; B Et ses granz genz qui sont ci demorable — 441 C le grant chite de crapes — 442 C ni remainra — 443 B qui .i. sol d. v. — 444 B tant de gentil lignage ; C manque. — 445 B quon le face — 446 C sen vint .i. abes ; B Et cil (B2 il) sen torne o lui ala .i. abes — 447 A1 ne se targe ; B manque ; C De si as osts de rien ne si atarge — 449 A nen est droit quil le face ; B Point n. s.
