Page:Langlois - Le couronnement de Louis.djvu/230

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

900Tot entor lui a restreintes ses armes ;[*]
Li Sarrazins ne se mut de la place.
Dist l’apostoiles : « Ja avrons la bataille. [*]
Or tost a terre et li fol et li sage :[*]
Chascuns prit Deu de molt riche corage [*]
905Qu’il nos rameint Guillelme Fierebrace [*]
Tot sain et salf dedenz Rome la large. » [*]
Li gentilz cuens a choisi le barnage,
Qui por lui prient ; fols est se plus s’atarge.
Le cheval broche, les dous resnes li lasche. [*]
910Brandist la lance o l’enseigne de paile, [*]
Fiert le paien sor la vermeille targe :[*]
Teinz et verniz et li fuz en trespasse, [*]
Le blanc halberc li desront et desmaille, [*]
La vieille broigne ne li valu meaille ; [*]
915Par mi le cors son reit espié li passe, [*]
Que d’altre part peüst l’en une chape [*]
Soz le fer pendre, qui bien s’en preïst guarde. [*]
Li cuens Guillelmes par tel vertu trespasse, [*]
Le bon espié hors del cors li esrache. [*]
920Ainz li paiens n’en perdi son corage, [*]
Ainz dist soef, que nuls om ne le sache :[*]

    — 900 A estreintes — 902 B verrons — 903 B2 Or aille a terre — 904 C de molt deuot c. ; B de bon certain c. — 905 C ameint — 906 C manque ; B1 ajoute : Et il respondent bien est droit quon le face Tous li clergies enuers terre sauale Et cil des murs de rommes et des estages Tuit prient dieu le pere esperitable Quil lor ramaint g. au fier courage Tout sain et sauf dedenz rome la large — 909 C point ; A et les resnes — 910 B Manque — 911 A el milieu de la targe — 912 A Lor le verniz ; B et fust trestot trespasse ; C Taint et vermeil et le fut li trespasse — 913 C Le bon ; A li rompit — 914 B1 ne li vaut .i. maille ; A .i. paille ; C manque — 915 C lenseigne li empale — 916 C par ert bien .i. espaue ; B parut lenseigne large — 917 C Pendus del fer ; A Pendre al fer qui sen fust pris bien garde ; B2 Quon la veist hors qui sen preist garde — 918 A sen passe ; B tel air — 919 C fors du cors ; B Son b. e. — 920 B2 Onc l. p ; A Quainz l. p. ne. p. son estage — 921 B manque