« Par Mahomet, a cui j’ai fait omage,
Molt par est fols qui petit ome blasme, [*]
Quant il le veit entrer en grant bataille. [*]
925Quant ge le vi ui main en cest erbage, [*]
Molt pou prisai et lui et son barnage, [*]
Et d’altre part le tieng ge a folage, [*]
Quant desor mei li donai avantage, [*]
Qu’ainz mais par ome ne reçui tel damage. » [*]
930Tel angoisse ot a pou qu’il ne se pasme. [*]
Li cuens Guillelmes del referir se haste. [*]
Guillelmes fu molt vertuos et forz ;
Le paien a feru par mi le cors, [*]
Par si grant ire en a trait l’espié hors [*]
935Tote la guiche li desrompi del col, [*]
Qu’a terre chiet li bons escuz a or.
Tuit cil de Rome s’escrient a esforz :
« Refier, frans om, Deus sostiegne ton cors ![*]
Sainz Pere, sire, seiez guaranz as noz ! » [*]
940Li cuens Guillelmes a entendu les moz, [*]
Le destrier broche, qui li desserre tost, [*]
Brandist la hanste, le gonfanon destort,
Fiert le paien sor l’alberc de son dos, [*]
— 923 B2 Il est trop f. — 924 B en tel bataille — 925 B Quant ge entrai huimain en cestui flage ; C manque — 926 C Molt prisai poi ; B manque — 927 C le retieng a f. ; B Sachiez de voir ge te tien a f. — 928 B Ne quant sur moi — 929 B2 Conc ; B por ; C manque — 930 C a poi quil ne se pasme ; B qua poi que il nesrage — 931 C B2 de referir — 933 B ot — 934 C fors ; A le fer trait hors — 935 A Tote tissue l. d. d. cors ; B Tote la gorge ; C li desront de son col — 938 B guarisse ; C manque — 939 C Sire sainz pere ; B1 soiez aidant ; B2 soiez aide — 940 C entendi bien ; B1 lor — 941 B randosne tost ; C qui lemporte molt tost — 943 B2 sur lescu
