Li apostoiles i est venuz premiers, [*]
Si le baisa quant l’elme ot deslacié.
Tant ont ploré li cuens Bertrans, ses niés, [*]
1155Et Guielins et li corteis Gualtiers ![*]
Tel paor n’orent a nul jor desoz ciel :[*]
« Oncles, » fait il, « estes sains et haitiez ?[*]
— Oïl, » fait il, « la merci Deu del ciel, [*]
Mais que mon nés ai un poi acorcié ;[*]
1160Bien sai mes nons en sera alongiez. » [*]
Li cuens meïsmes s’est iluec baptisiez :
« Dès ore mais, qui mei aime et tient chier, [*]
Trestuit m’apelent, Franceis et Berruier, [*]
Conte Guillelme al cort nés le guerrier. »
1165Onc puis cel nom ne li pot l’en changier. [*]
Puis ne finerent tresqu’al maistre mostier.
Cil ot grant joie qui le tint par l’estrier. [*]
La nuit font feste por le franc chevalier, [*]
Tresqu’al demain que jorz fu esclairiez, [*]
1170Que d’altre chose voldront assez plaidier.
Et dist Bertrans : « As armes, chevalier ![*]
Puis que mes oncles a le champ guaaignié
Vers le plus fort qui tant ert resoigniez, [*]
Bien nos devons as feibles essaier.
1175Oncles Guillelmes, faites vos aaisier, [*]
Quar molt par estes penez et travailliez. »
— 1152 manque, ainsi que le suivant, dans C — 1154 A Tot en plorant l. ; C Encontre vos l. — 1155 C Tant ont plore g. et g. — 1156 B T. p. no. a mais j. d. c. ; A desor ciel — 1157 B font il — 1158 B merci jesu d. c. — 1159 B est u. p. escochiez ; C escorchiez — 1160 A Ge ne sai certes com sera alongiez ; B Bien sai (B2 sent) quun poi en sera acorcie — 1162 Au lieu de 1162, 1163, C donne Dore en auant lapelent li princhier — 1163 B Vueil que ma. — 1165 B1 C ainz ; B ne pot estre changiez ; C ne li fu cangiez — 1167 A a lestrier — 1168 A font joie ; C font veille por lenfant cheualier — 1169 A dut esclairier ; C que il fu e. — 1171 B2 Le dist ; C arme vos cheualier — 1173 B2 qui plus ; C manque — 1175 A manque
