Page:Langlois - Le couronnement de Louis.djvu/262

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

Del pro Guillelme cui proece revele,
Vers le palais a tornee sa teste,
Et prist un guant, sel mist en son poing destre, [*]
Puis s’escria a sa vois halte et bele :[*]
1605« Ge te desfi, Richarz, tei et ta terre :[*]
En ton service ne vueil ore plus estre. [*]
Quant traïson vuels faire ne porquerre, [*]
Il est bien dreiz et raison que i perdes. » [*]
Contre Guillelme fu tost la porte overte ;
1610Tot maintenant li desferme et desserre : [*]
Entre Guillelmes et sa compaigne bele,[*]
Et li portiers dolcement l’en apele :
« Frans chevaliers, va la vengeance querre [*]
Des traïtors qui contre tei revelent. »
1615Ot le Guillelmes, si s’embronche vers terre, [*]
Isnelement un escuier apele ;
Es portes entrent qui lor furent overtes :[*]
« Va, si me di dan Gualtier de Tudele,
Guarin de Rome en diras la novele, [*]
1620Qu’encontre mei sont les portes overtes ; [*]
Qui vuelt aveir guaaignier et conquerre,
Si viegne tost, n’i ait noise ne feste. » [*]
Et cil s’en torne qui de riens ne s’areste. [*]
Isnelement li aguaiz se desserre, [*]

    — 1603 A E. p. .i. g. et m. e. s. p. d. ; B E. p. son g. sel (B2 si) m. e. sa main d. — 1604 B Et sescria a sa voiz quil ot clere — 1605 B roi richarz et la terre — 1606 B Quen t. s. ne v. je or p. e. — 1607 B Qui t. veut — 1608 B1 en la fin quil perde ; B2 que en la fin i perde — 1610 B1 T. m. la porte li defferme ; B2 manque — 1611 B1 Entre enz g. et ; B2 manque — 1613 A la vengeance v. q. — 1615 B1 sembroncha ; B2 sembroncha en terre — 1617 A qui li f. o. — 1619 A Gontier de r. — 1620 Leçon de C ; A Que contre moi i est la p. o. (Ce vers placé après le vers 1622) ; B manque — 1622 A Quil viegne a moi que noise ni soit faite ; B Li viegne auant que noise ni soit faite — 1623 B qui point ne si areste — 1624 B Isnelement (B2 Molt prestement) trestoz les guez va querre Quant cis oirent quon les enuoie querre Tot maintenant que plus