1625Es portes entrent qui lor furent overtes.
Quant cil les virent des murs et des fenestres [*]
Cuident que seient cil qu’ont enveié querre, [*]
Mais il avront ancui altres noveles, [*]
Qui lor seront doleroses et pesmes.
1630Li cuens Guillelmes apela le portier :
« Amis, bels frere, se me vuels conseillier, [*]
J’ai molt de gent que ge dei herbergier. [*]
— En nom Deu, sire, ne vos sai conseillier, [*]
Qu’il n’i a volte, ne crote, ne celier, [*]
1635Qui ne seit pleine d’armes et de destriers ;
Et par les loges gisent li chevalier.
Vostre est la force del plus maistre marchié :
Lor herneis faites et saisir et baillier, [*]
Et qui nel vuelt de buen cuer otreier [*]
1640N’i mete ja fors la teste a trenchier. » [*]
Respont Guillelmes : « Bien m’avez conseillié, [*]
Par saint Denis, et ge mielz ne requier ; [*]
Ne serez plus ne guaites ne uissiers, [*]
Ainceis serez mes maistres conseilliers. » [*]
1645Bertran apele : « Entendez, sire niés : [*]
Oïstes mais si bien parler portier ? [*]
ne si arrestent — 1626 B2 Et cil l. v. ; B1 Que c. l. v. des huis et d. f. ; B ajoute Qui la estoient venu pour le roy faire — 1627 B des leur que len voist querre — 1628 B Mais anquenuit orront — 1631 B1 ses me tu c. ; B2 Amis dist il sez me tu c. — 1632 B qui nont ou h. — 1633 B En n. d. s. ge nen sai c. — 1634 A ne crote ne solier — 1638 A manque — 1639 B de bon gre o. — 1640 B Ni mete gage fors (B2 que) le chief a trenchier — 1641 B1 Et dist g. ; B2 Ce dist g. — 1642 A que ja m. n. vos quier — 1643 A1 ne garde ne p. ; B ne sergent ne portiers — 1644 B Des or serez — 1645 B B. a. ca venez — 1646 B1 parler si bien p. ; B2 si bien portier plaidier
