Le texte de cette page a été corrigé et est conforme au fac-similé.
7
Vous eſtes vne marte ſublime,
Gaufridi ne ſceut point l’eſcrime,
Si bien que vous, le Latin :
Et plus gros que deux Breuiaires
Vous auez faict des Commentaires
Des poſtures de l’Aretin.
Vous auez, ſçauante portefeſſe,
Publiquement par tout la Breſſe,
Monſtré de arte amandi,
Soubs le ſigne d’vne brayette :
Venus qui fut voſtre planette,
Vous fit naiſtre le Vendredi.
Vous le faiſiez pour vne pomme,
Iadis en Breſſe auec vn homme :
Maintenant vous n’auez égards,
Ma belle à cinquante piſtoles,
Vous qui n’auiez autres paroles,
Que qui en veut pour deux liards.
