Coroies à copler flaiaus ;[1]
Mès gardes que soies loiaus
De rendre moi mon gerredon,
Qar tu auras moult greignor don
De moi que de toi ne prendrai,
Que Rogel quite te rendrai,
Et par moi auras l’Ors en sel
Tot coiement en ton ostel,
Lors auras-tu bien esploitié.
Bien a fait li Vilain haitié
La gile que Renart a dite :
Au reconter moult se delite,
Car onques n’ot si bone oïe ;
Plus de cinc cent foiz l’en mercie.
Sire Renart, à grant plenté
Auroiz à vostre volenté
Chapons et gelines et cos,
A Deu vos conmant, je m’en vois.
A Deu le conmant et il lui,
Issi departent ambedui.
Li Vilains à l’ostel s’en vet,
Et Renart vers le bois se tret
Que il amoit plus que le plain.
Moult a esbaudi le Vilain
La gile que Renart a fete,
De noient mès ne se dehete,
- ↑ Al. Moult bones chapes à flaiaus.
