Bien set son corage covrir :
Il li fera un mal jor traire.
Par bele gengle l’a sorpris ;
Thiebert, fait-il, de ce vos pris.
· · · · · · · · · · · · · · · agaitié ;
Si li a dit : Vous alés mal
Que à travers courés cheval ;
Dou cours vous estes eslongiés :
Au refaire est ; or repoigniés ;
Or le menés plus droitement.
Volentiers ; dites-moy comment.
Comment ? si droit qu’il ne guenchisse,
Ne fors de la voie n’en isse.
Ci vous herbergerés anuit,
Et si le comparrés, je cuit.
Or est Renars en mal palain.
Atant estes-vous un villain ;
Une haiche porte d’aïr ;
Renart en voult un coup ferir.
Renars fu forment esfraés,
Et li coups est dehors tornés,
Que le broion ha tout fendu,
Et il chéi tout estendu,
Et Renars est sains eschapés,
En fuie est vistement tornés.
