Ci tous herbergerez, ce cuic :
Que Diex vous doint très male nuit !
Lieve la hache, si va près :
A poi Renars n’est estetiez ;
Mais li cous estoit arestez.
Moult fu bleciés : à lui le trait ;
Fuiant s’en va dolant et lait :
Dolant quant il se sent bleciés,
Liés qu’il n’i a le pié laissié.
Fuiant s’en va dolanz et liez ;
Dolans de ce qu’il fu bleciez.
Dolanz de ce qu’il est gastez,
Et liez de ce qu’il n’est tuez.
Dolent fu qu’il estoit blecié
Et liez qu’il n’ot le pié trenchié.
Quant eschapa moult en fu liez :
Durement a esté quassez ;
A poi qui n’a esté tuez ;
Et li vilains est agrégiez,
Qui moult se tient à engigniez.
Li chien le prenent assuir,
Si conmancèrent à glatir
Tant que il furent tuit lassé ;
Illec ont Renart trespassé.