Li vint Ysengrins devant lui,
Qui par temps li fera unui.
Rcnars voit ne le puet guenchir,
Ne nule part ne puet fuir,
Si li a dit tout à estreus :
Biaux compères, bien veigniés-vous,
Et Diex vous doinst honor et joie.
Et cilz li dit : Se Dex me voie,
Grant joie ai-je quant je vous voi.
Par Dieu le Père, en cui je croi,
Quant je te voi ne quier autrui ;
Del cors te ferai grant anui :
En mon ventre penras hostel ;
Tu ne t’en pués partir par el :
Moult averas isnel cheval
Se ne te fais livrer estal.
De toi me lèveront li flanc,
Par toi acquerrai hardement.
Que faites-vous ? Vias entrez
En ma geule : que demorés ?
Renars donne réusement.
Par tens sera Renars dolens :
Ysengrins aguise ses dens,
A Renart ne vault rien ses sens ;
Ains nulz ne fu si conchiés
Con Renart fu ne laidengiès.
Or est Renars en mal troton ;
De son dos volent li flocon,
Ainsi con de coute de plume ;
Tel dolour ha, que tous escume.
Page:Le Roman du Renart, supplément, 1835.djvu/166
Le texte de cette page a été corrigé et est conforme au fac-similé.
Cette variante vient immédiatement après le vers 7016, der-
