De uos yeux que ie ueux pour iamais oublier.
Ie deſdaignois ainſila belle deſdaigneuſe,
Et brauois ſon deſdain de plus braues deſdains,
Elle en aura deſpit : car elle eſt glorieuſe.
Tels ſont les fiers effects de deſpiteux deſſeins.
Le reſte du iour, le plus beau de l'eſpargne des heures apres le midy, ayant eſté vſé en ces plaiſirs doucement exagerez, au contentement de communication de pluſieurs ſingularitez exquiſes, & remarquables ils prirent congé de la Fée, auec promeſſe ſur ſa priere de la retourner voir, auant que prendre reſolution de partir de ceſte contree. Voila que peut la bonne grace & la vertu que ceſte Dame recognut en ces eſtrangers, qui l'occaſiōna de les prendre en affection, & telle que ſi elle eut oſé honneſtement les retenir, les eut contraints de ſ'arreſter en ſon petit palais.
Quel animal eſt le Chryſofore. Les Fortunez pour auoir faict des reſponſes à propos ſans penſer en mal, ſont accuſez d'auoir volé le Chryſofore de l'Empereur, ils ſont enquis par le Magistrat, puis par l'Epmpereur. En fin ils ſont deliurez.
Esia les ombres commençoient à ſ'allonger, & la nuict qui oſte les figures de l'air
