ſçauoir le voſtre, & certainement le courage me iugeoit ce que ie ſçay maintenant, qui ſera ſi ſecrettement vni à mon cœur, que iamais il ne ſera deſcouuert mal à propos, ſi vous ne vo° oubliés ; ce que ie ne veux pas eſtimer, vous tenant pour veritable. Cela eſt vray, & le ſçachez pour y faire voſtre deuoir, & me rendre contente, ſi vous meritez du contentement.
Les effects du Miroir de Iuſtice. Qui eſt l’aiſné des Beſſons. Entrepriſe pour rauoir le miroir. La Main fatale perſecute ceux de Sobare. Lofnis monſtre à Fonſteland le Fœnix artificiel. L’adieu des amants. La Biche a deux cœurs.
Pres que par beaucoup de preuues manifeſtes, l’Empereur eut eſté abondamment aſſeuré de la ſuffiſance des Fortunez (qui ne faiſoiét rien l’vn ſans l’autre, encor qu’ils dǒnaſſent la gloire de chaque effect à celuy qui l’auoit propoſé ; car ils eſtoient vnis en amitié parfaicte, ſans enuie & ialouſie, qui ſont la mort qui occit les amitiez neceſſaires) & qu’il eut remarqué en eux plus de prudence que d’âge, les ayant remerciez par honneurs, preſens & promeſſes, les pria de continuer en l’affection qu’ils luy portoient. Ce que les Fortunez luy promi-
