Amours chaſtes de Gifeol & Aderite. L’Entrepriſe de la Tyranne Garonince, pour bailler Aderite à ſon fils qui en deueint amoureux. Comme les chaſtes Amans voyoient en la lune. Les trois queſtions difficiles expoſees par Gifeol. Le criſtal merueilleux, par le moyen duquel Gifeol ſurprend Garonince, luy fait ſon proces, & eſt fait Roy.
E beau iour ſ’eſtoit emparé du deſſus de la terre, & tout rioit aux Amans, quand le Palais de Saturne fut ouuert, où l’Empereur entrant ne trouua perſonne : car le peuple auoit eſté retenu au paruis, le Conſeil & ceux que la Souueraine auoit choiſis pour eſtre participans de ce qu’il ne faut communiquer à tout le monde, entrerent auec l’Empereur, qui ce iour eſtoit accouſtré d’vn veſtement de gris, orné de brun, ſelon quoy la court eſtoit paree ſuyuant l’ordonnance. Ce monarque eſtant entré, fit vn tour ou deux en la ſale, conſiderant ça & là ce qu’il pourroit remarquer, & ſur tout il ſ’arreſta à vn rideau gris, qu’vn peu apres vne Nymfe tira, & alors parut ce qu’il auoit caché, qui eſtoit la figure d’vne hiſtoire de conſequence, alors la Souueraine pria ſa majeſté de prendre ſa place, & puis elle
