quelque meuble tranſportable, il l’eut non ſeulement deſiré, mais eut mis peine, diligence, & employé moyens pour l’auoir, tant ſa bonne curioſité le poſſedoit. Mais moy, helas ! trop inconſideré, que n’aie eu l’heur d’eſtre plus long temps auec ceſte bonne Fée ! A la verité ſi ceſte excellente, m’eut gratifié parfaictemēt & qu’auſſi ie l’euſſe aymee de parfaict amour, continuant és meſmes pointes dont quelquesfois ie la cheriſſois, ie me fuſſe rendu tāt accomply que i’euſſe conduit cet œuure à l’egal des plus parfaicts. Mais quoy ? on ne peut par deſſus la fortune, ny paroiſtre outre ſa capacité.
L’Hiſtoire de Pleraſte fille de la Terre, racontee au Cabinet myſterieux.
Pres que l’hymne d’action de graces eut eſté prononcé par les voix accordantes aux ſons des plus parfaiéts inſtrumens, & que les plaiſirs ſuccedans aux repas euſſent recreé les eſprits qui ſ’en entreteindrēt quelques heures Les Monarques ſ’auiſerent d’entrer au Cabinet myſterieux où l’Empereur n’auoit point encor eſté, & le Roy luy en vouloit donner le plaiſir : on n’y introduit gueres de perſonnes, & encor faut-il que ce ſoit des intimes & bien voulus, & les plus fauoriſez : I’eu ce bon-heur d’y eſtre