428 ifcibnig au bc6 üofiœ.
Autor recensionis Gallicae in Batavis Bernardus Essais de Thé odicée sic interprétatus est, quasi vellem dicere Tentamina Theodicaei, aut me Theodicaeum appellassem ; sed mihi animus fuit doctrinam ipsam seu matériam dissertationis Theodicaeam appellare, ita ut Theodicaea sit doctrina de jure et justifia Dei.
Petersenius, olim Superintendens Luneburgicus, ob Chiliasmi propugnationem publicam dimissus, qui postea etiam doctrinam Origenis magno opere åiroxaraoráoeœç návrœv propugnavit, sane erudite carmen Theologicum parat titulo Uraniados, in quo suae Theologiae satis paradoxae systema complectetur. Est certe Poöta spiritus non spernendi. Vellem aliquis integram aliquam operis Jansenii Iprensis quod Augustinum inscripsit, analysin compendio daret, nam ex ipso nexu totius systematis apparet optime, quid sentiat autor. Interim pergratum erit scriptum Henrici Coaslinii Meldensis Episcopi, quo mentem Jansenii eruere aggressus est. Ea certe méthodo facilius quam acerrimis Curiae Romanae mandatis obtinebitur, ut credant homines, sententias quasdam certo sensu à Jansenio propugnatas fuisse : cum careri possit autoritate in re ante oculos posita, nec autoritas humana sensuum fidem aequare possit.
Magna nunc est fundi Iiterarii sterilitas, nec video in his oris aliquid memorari dignum.
Ego nunc quaero obtinere Frodoardi carmen integrum de Pontificibus Romanis, cujus tantum pars hactenus extat. Si obtinere possum, adjiciam Floribus meis in Jobannam Papissam sparsis. Sed hoc consilium nolim hactenus publicari.
Proximis nundinis Paschalibus, Deo volente, prodibit specimen quoddam meum Apparatus ad Philologiam, praesertim Germanicam, in quo aliqua nova inspergentur. Caeterum hoc penitius persequendum aliis junioribus relinquo. Erui nuner originem vocis Hornung, quae mensem Februarium Germanis significat.
Credo in collegio vestro Paderbornensi extare multos libros à Celsissimo Principe Ferdinando Furstembergio Iegatos. Erat enim l’autor vobis eximius. Habuistis in scrutinio virum insignem in paucis ad Historiam illustrandam. Nescio an supersit alius ex vestris vir doctus, qui ei substitutus Paderbornensem Historiam absolvit, cui, ni fallor, Cloppenbuïgio nomen.
