Page:Les voyages advantureux de Fernand Mendez Pinto.djvu/157

139

de Fernand Mendez Pinto.

chargez de marchandiſes aux terres de Lauhos, Pafuaas & Gueos, qui ſont peuplées de gens fort riches. Antonio de Faria voyant l’occaſion propre pour s’informer de ce qu’il deſiroit ſçauoir, les en enquiſt amplement, à quoy quelques-vns qui ſembloient auoir plus d’autorité que les autres, reſpondirent fort à propos, que la riuiere où nous eſtions ancrez ſe nommoit Tinacoreu, que quelques Anciens appelloient Taraulachim, qui ſignifie Maſſe-Saulle, nom qui auecque iuſte raiſon luy auoit eſté donné, ſuiuant le dire que les vieux leur racontoient à preſent, & comme nous la voyons en profondeur & largeur elle s’eſtendoit iuſques à Moncalor, montagne qui eſtoit eloignée de ce lieu de quatre vingt lieuës, & de là en auant elle eſtoit beaucoup plus large, mais beaucoup moins profonde, meſme qu’en aucuns endroits il y auoit des bancs de ſable & des pays noyez d’eau, où ſe voyoient infinis oyſeaux qui couuroiẽt toute la terre, & qu’ils y eſtoient en ſi grande abondance, que pour leur ſuiet il y auoit deſia 42. ans que tout le Royaume des Chintaleuhos en eſtoit deshabité, bien qu’il fut grand de huict iournées de chemin ; mais qu’ayant paſſé cette contrée d’oyſeaux, l’on entroit en vne autre plus rude & pleine de grands rochers, où il y auoit pluſieurs animaux encores pires que ces oyſeaux, comme Elephans, Rhinoceros, Lyons, Sangliers, Buffles, & autre beſtail en ſi grande quantité, que quelque choſe que les hommes peuſſent cultiuer pour l’entretien de leur vie, eſtoit par eux gaſtée, ſans qu’il fut poſſible de les en empeſcher ; ioint qu’au milieu de tout ce pays ou Royaume, il y auoit vn grand lac que quelques habitans du pays appelloient Cuncbetee, & les autres Chiammay, duquel cette riuiere prenoit ſa ſource, auec trois autres qui arrouſoient vne bonne partie de ce païs, & que ce lac ſuiuant le recit de ceux qui en auoient eſcrit, auoit de tour 60. Iaos, chacun de trois lieuës, le long duquel il y auoit force mines d’argent, de cuiure, d’eſtain, & de plomb, d’où l’on en tiroit ordinairement grande quantité, que les marchands enleuoient par troupes d’Elephans & de Rhinoceros, pour le tranſporter aux Royaumes de Sornau, que nous appellons Siam, Paſſi-