1202
Quant li Venicien oïrent chou, si sesjoiirent li un ; li autre disent qu’il n’i pooient aler, ne ne se pooient acorder ensanle, comment le moitié d’aus y peust aler ; et tant qu’il lisent un sort, que il faisoient doi et doi ensanle ij. noiaus de chire, si metoient en Tun un brievet et venoient au prestre, se li donnoient ; et li prestres les prinsegnoit, et donnoit à cascun des ij. Veniciens i. de ches noiaus, et chil qui avoit le noiel au brief, si convenoit qu’il alasten Testoire : ensi se partirent 67. Si comme li pèlerin se furent logié en Tisle Saint Nicholai, si ala li dux de Venice et li Venicien parler à aus, et demandèrent leur convenanches du navie qu’il avoient fait atirer, et si leur dist li dux, qu’il avoient mal fait de chou qu’il avoient mandé par leur messages qu’il apareillaissent navie à iiij. m. chevaliers et à leur harnas et à c.m. hommes à pié, et des ches iiij. m. chevaliers, n’i avoit il mie plus d’un millier ; (qu’il estoient alé as autres pors) ; ne de ches c.m. hommes à pié n’i avoit mie plus de l.m. ou de lx. : « Dont nous volons, (fist li dux), que
f. 103 i°, c. 2.
vous nous paies les convenanches que on nous eut en convenent. » Quant li croisié oïrent chou, si parlèrent ensanle, si eswarderent entr’aus que cascuns chevaliers donroit iiij. mars et cascuns chevax iiij., et cascuns serjans à cheval ij. mars, et chis qui mains li donroit, si donroit i. marc. Quant il eurent ches deniers cueillis, si les paierent as Veniciens, si remesent encore l.m. mars à paier. Quant li dux et li Venicien virrent que li pèlerin ne leur avoient plus paie, si furent tout corchié, tant que li dux parla à aus : « Seigneur, fist-il, vous nous aves « mal baillis : car si tost comme vo message eurent fait convent à mi et à me gent, kemandai jou par toute me tere que « nus marcaans n’alast marcaander, ains aidast à apareiller cheste navie, et il y ont puis tous jours atendu, ne n’i waaingnierent rien passé ai. an et demi, ains y ont moult perdu ; et, par chou, veulent mi homme et jou ausi, que vous paies les deniers que vous nous deves, et, se vous ensi nel faites, sachies que vous ne vous moveres de cheste isle devant là que nous serons paie, ne ne troveres qui vous port ne que boire ne que menger. » Li dux fust moult preudons, si ne
