les pons qu’il avoient fait seur les nés, et traisent et lanchie
1203
rent, et fisent geter leur mangonniax, et assalirent si durement que trop, et tant qu’il misent le fu en le vile-, si que bien en i eut ars le grandeur de le chité d’Arras’^’, et ne s’osèrent mie espardre, ne mètre en le chité, car trop estoient peu gent, et il n’i eussent durée, ains se remisent ariere en leur nés. i haut homme qui d’autre part estoient, qui se de— Dissensions entre us voient combatre à l’empereur, avoient estavli que on avoit eslit de cascune bataille ij. des plus preudommes et des plus sages que on i savoit, et i
12v^c.2.
quanke il kemandoient, estoit fait ; s’il kemandaissent : « Pongniés », on pongnoit ; s’il kemandaissent : « Aies le pas », on aloit le pas. Licuensde Flandres, qui avoit l’avantgarde, chevaucha premiers encontre l’empereur tout le pas, et li empereres estoit bien le quarte part d’une liuve loins du conte de Flandres, et faisoit chevauchier ses batailles encontre le conte ; et li cuens de Saint Pol, et mesires Pierres d’Amiens qui avoit l’autre bataille emprès, chevauchoient un petit en sus par en costé ; et mesires Henris de Hainaut, et li Alemant qui avoient le tierche bataille, chevauchoient après, ne n’i avoit cheval qui ne fust couvers de couvretures d’armes ou de dras de soie par deseure toutes les autres couvretures ;, et iij. compaingnies ou iiij. ou V. de serjans à pié sivoient cascune des batailles as kewes des chevax, et chevauchoient si rengié et si serré qu’il n’estoit nus si hardis qui osast chevauchier devant l’autre^ et li empereres chevauchoit encontre no gent à tout ix. batailles, ne n’i avoit chelui de ches ix. batailles, où il n’eust iij. m, , chevaliers, ou iiij., ou V. en tele i avoit il ; et quant li cuens de Flandres eut l’ost eslongié bien ij. arbalestées, si conseillier li disent : « Sire, vous ne faites mie bien qui vous aies conbatre à l’empereur si ensus de l’ost ; car se vous i conbates et « vous i aies mestier d’aiv^e, chil qui v^ardent l’ost ne vous « porront aidier ; mais, se vous nous en crées, vous retorneres « as lisches, et illueques atenderes l’empereur plus seurement, ’(
s’il se veut combatre.
Li cuens de Flandres retorna
