1201
Le comte de Champagne est élu chef des Croisés ; il meurt.
près, s’asamblerent tout li conte et li haut baron qui croisié estoient. Si mandèrent tous les haus hommes qui croisié estoient, et quant il vinrent tout ensamble 56, si prisent consel entr aus de qui il feroient kievetaine d’aus, et seigneur ; tant qu’il prisent le conte Thiebaut de Champaingne, si en fisent lor seigneur, puis si se départirent ; si s’en ala cascuns en son païs. Et puis ne demora mie granment après, que li cuens Thiebaus morut. (24 mai.) Si laissa l.m. livres as croisiés 57 et à chelui qui après lui seroit kieve-
f. 101 v°, C 1.
taine et sires des croisiés, et à mètre là où li croisié vaurroient. Et si morut ausi maistres Foukes 58, dont che fu moult grans damages avec les croisiés.
Voyage du marquis de Montferrat en France (Villeh., XXVI.)
uant li croisié seurent que li cuens de Champaingne, leur sires, fu mors et maistres Foukes ausi, si en furent moult dolent et moult corchié et moult esmari ; et s’asanlerent à i.jor tout à Sessons, et prisent consel entr’aus que il feroient, et de qui il feroient kievetaine et seigneur d’aus ; tant qu’il s’acorderent entr’aus qu’il envoieroient pour le marchis de Monferras en Lombardie ; il i envolèrent moult boins messages pour lui. Li messages s’apareillierent, si s’en alerent au marchis ; quant il vinrent là, si parlèrent au marchis et si li disent que li baron de Franche le saluoient, et qu’il li mandoient et prioient pour Dieu que il venist parler à aus, a i. jor qu’il li nommèrent. Quant li marchis oï che, si se merveilla moult de chou que li baron de Franche l’avoient mandé ; si resporidi as messages qu’il s’en conseilleroit et lendemain leur lairoit savoir qu’il en vaurroit faire, et fist moult feste des messages. Quant che vint lendemain, si leur dist li marchis qu’il iroit parler à aus à Sessons, à tel jor comme il li avoient nommé. Adont li message prisent congié ; si s’en revinrent, et li marchis leur offri de ses chevax et de ses joiaus, mais il n’en vaurrent nul prendre ; et quant il furent revenu, si fisent savoir as barons qu’il avoient fait. Adont atira li marchis sen oirre, et passa les mons de Mongiu et s’en vint en Franche à Sessons, et fist savoir as barons par
