1201
101 v° c. 2.
devant que il venoit, et li baron furent là encontre lui, et fisent 1201 moult grant feste de lui.
Le marquis prend la croix (Villeh, xxvii.)
uant li marchis fu venus à Sessons 59 si demanda as barons pourcoi il Tavoient mandé, et li baron furent (Viiieh., xxvn.) conseillié, se li disent : « Sire, nous vous avons mandé « pour che que li cuens de Champaingne nos sires, « qui estoitnos maistres, est mors, et nous vous mandâmes pour « lepluspreudomme que nous saviemes, et qui le greigneur conte sel pooit mètre en notre afaire, le voie Dame Dieu ; si vous « proions tout, pour Dieu, que vous soies nos sires et que vous, pour l’amour de Dame Dieu, pregnies le crois. « Et à ches paroles, s’agenouillierent li baron devant lui, et se li dirent qu’il ne s’esmaiat mie d’avoir pourcachier, que il li donrroient grant partie de l’avoir que li cuens de Champaingne avoit laissié as croisiés. Li marchis dist que il s’en conseilleroit, et quant il se fu conseilliés, si respondi que, pour l’amour de Dieu et pour secorre le tere d’outre-mer, prendroit il le crois. Et li vesques de Sessons fu tantost apareilliés, si li donna le crois, et, quant il l’eut prise, si li donna on de l’avoir que li cuens de Champaingne avoit laissié as croisiés, xxv.m. livres. Après, quant li marchis fu croisiés, si dist as barons. « Seigneur, (fist li marchis), où vaurres vous passer ? ne en quel tere de Sarrasins ce vaurres vous aler ? » Li baron respondirent que en le tere de Surie ne voloient il mie aller : car il n’i porroient riens forfaire ;
102 i°, c. 2.
mais il avoient pourposé à aler en Babyloine ou en Alexandre, très emmi aus là où il leur peussent plus forfaire, et avoient pourposement de liver estoire qui tous ensanle les y passast. Adont dist li marchis que ch’estoit boins consaus, et que il s’i acordoit bien, et que on y envoiast bons messages des plus sages chevaliers d’aus, ou à Pise, ou à Genvre, ou en Venice. A chest consaus s’acorderent tout li baron. Adont si atirerent leurs messages ; si atirerent tout que mesires Quenes de Betune y ala et li mareschiax de Champaingne 60 ; puis, quant il eurent atiré leur messages, si se départirent li baron, et li marchis s’en en ala en son païs et li autres ausi cascuns. Si kemanda
