Vertueus et fors pour durer,
Et humbles[1] pour mal endurer.
Et quant de Tamoureuse ardure
Est espris, tellement Tendure
Qu’einsois morroit dessous l’escu
Qu’on[2] le veïst mat[3] ne[4] veincu.
Ce que je di n’est pas contrueve,
Car chascuns le dit et apprueve ;
Et pour ce que chascuns le dit,
L’ay je recordé en mon dit.
Si di en ma conclusion
Que, vëu la condicion
D’omme et de femme, nullement
Femme ne puet avoir tourment,
Tant braie ne se desconforte,
Comme[5] uns homs[6] en son cuer le porte[7],
Qu’estre ne puet en sa nature.
Raison s’i acorde et droiture.
Et aussi li maus qui termine
Est[8] mendres que cils qui ne fine,
Einsois dure jusqu’a[9] la mort,
Tant qu’il a son malade mort. »
Largesse qui après sëoit
Parla, car moult[10] bien li sëoit.
Et dist : « Guillaume, vraiement,
Je sui mervilleuse[11], comment
Vous osez des dames mesdire ;
Car ce ne deüssiez pas dire.
Et de ce qu’avez dit, li blames
Est[12] plus seur vous que seur les dames.