pal esgard que nous y avons, et Dieu le scait, a esté qu’elles soient mariées à personnes instruictes en sa craincte. Nous fut aussy faict ouverture par ma dicte dame de Rohan, du mariage de notre filz avec la fille aisnée de feu monsieur de Chastillon, filz du feu amiral de Coligny, laquelle en escrivit à Madame de Chastillon sa mère comme d’elle mesme, et en eut favorable responce.
Icy, je reprends la plume après une longue interruption, tant à l’occasion de ma fascheuse maladie qui me continue tousjours que de l’agitation et incertitude des affaires, tant domestiques que publicques, esquelles monsieur du Plessis a esté employé. Et premier que d’entrer en matière de plus longue déduction, je laisseray icy pour mémoire que le capitaine qui avoit promis à monsieur du Plessis de se saisir de la personne de monsieur de Mercœur, ayant failly une fois son occasion, perdit courage d’y retourner, sur ce que le dit sieur en auroit faict prendre certain autre atteint de semblable entreprise dont il se tenoit aussy mieux sur ses gardes. Tellement que les deniers que monsieur du Plessis luy avoit faict distribuer à plusieurs fois tournèrent à néant. Fut aussy conduicte avec peu de silence et tentée avec peu d’ordre l’entreprise de Perpignan qui avec un meilleur sembloit devoir réussir, et quant à celle du Croisil, M. de la Tremblaye le surprit, et aussy tost que monsieur du Plessis en eust advis par monsieur de Schomberg qui touteffois
dans le manuscrit de la Sorbonne, ce qui porte à croire que les mariages dont il avait été question n’aboutirent pas.
