abandonné le Timon, & s’eſtoit mis à genoux pour faire des vœux à Neptune ; declarant aſſez par cette action, qu’il n’eſperoit plus qu’en l’aſſiſtance des Dieux : encore paroiſſoit-il ſur ſon viſage qu’il n’eſperoit meſme guere d’obtenir ce qu’il demandoit : car il auoit toutes les marques du deſeſpoir dans les yeux. Cependant au milieu de cette Tempeſte, ce ieune Prince qui faiſoit la principale crainte de Nicius, & de Martia, dormoit paiſiblement dans ſon Berçeau, ſans ſçauoir que ſa vie eſtoit en peril. Mais durant qu’il ne craignoit pas ce que Martia & Nicius craignoient pour luy, il y auoit encore d’autres Vaiſſeaux en cét endroit, qui eſtoient auſſi expoſez à perir que celuy de Nicius. En effet, par vn caprice de la Fortune, la Tempeſte auoit raſſemblé en vn fort petit eſpace, pluſieurs Nauires qui
