dans ſon cœur vne telle diſpoſition à ſe mettre en colere, que de peur de n’eſtre pas Maiſtre de luy meſme, il ſortit non ſeulement de ſa Chambre, mais de chez luy, & fut chez Aronce pour qui il auoit pourtant encore vne amitié fort tendre dás le fonds de ſon cœur : mais contre qui il eſtoit toutesfois alors fort en colere : quoy qu’il ſe reſoluſt neantmoins de luy parler plus toſt en Pere irrité, qu’en ennemy. Pour Aronce, il le reçeut auec tout le reſpect qu’il auoit accouſtumé de luy rendre : mais auec vne ſi profonde triſteſſe ſur le viſage, qu’il eſtoit aiſé de voir qu’il auoit quelque choſe dans l’ame qui l’inquietoit eſtrangement. Dés qu’il fut entré, Aronce déuançant Clelius, prit la parole auec autant de ſoûmiſſion, que s’il euſt eſté ſon Pere. Ie ne doute pas, luy dit-il, que vous ne croyez auoir ſuiet de vous pleindre de ce qui s’eſt
