faire la guerre. Ha Aronce, luy dit-elle, c’eſt trop que d’eſtre mal auec vous, & auec Clelie : ce n’eſt pas, adiouſta Fenice, qu’elle ne ſoit aſſez belle pour meriter d’occuper tous vos regards : mais elle ne doit pas auoir toute voſtre ciuilité. Aronce et Clelie furent ſi ſurpris de ce que dit Fenice ; & Fenice paſſa ſi viſte, qu’ils n’eurent pas le temps de luy reſpondre. Ils commencerent pourtant tous deux de luy dire quelque choſe : mais comme ie l’ay deſia dit, Fenice s’arreſta ſi peu, qu’ils n’eurent pas le loiſir de l’acheuer. Ils ne purent meſme ſe rien dire, & ie ne pûs auſſi aller apres Fenice qui ne m’auoit point veû, parce que Sulpicie finit la conuerſation auec cette Dame qui l’auoit arreſtée. De ſorte que par ce moyen, Aronce au lieu de pouuoir acheuer de ſe iuſtifier, ſe retrouua dans vn nouuel embarras :
