car le changement de ſon viſage, & ce que Fenice luy auoit dit, remirent le ſoubçon dans le cœur de Clelie : ſi bien que quoy qu’Aronce luy parlaſt touſiours, en montant l’Eſcalier, elle ne luy reſpondit pas & elle a meſme aduoüé qu’elle ne l’entendit guere. Vous pouuez donc iuger Madame, que lors qu’ils furent dans cette Chambre de deüil, il ne luy fut pas aiſé de l’entretenir : & quand Sulpicie en ſortit, Clelie agit auec tát d’adreſſe, qu’elle m’engagea malgré moy à luy donner la main. Il eſt vray qu’Aronce n’en fut pas plus malheureux : car il trouua en Sulpicie, à qui il aida à marcher, vne bonté pour luy qui luy donna quelque conſolation. Elle ne luy dit pourtant que des choſes tres fâcheuſes : car elle le confirma dans la croyance où il eſtoit que Clelius eſtoit fort irrité contre luy, & qu’il ne s’apaiſeroit pas aiſément : il eſt
