uenoit : & qui nous dit qu’on auoit trouué fort eſtráge que nous fuſſions ſortis ſi bruſquement : adiouſtant qu’vne partie de la Compagnie n’y eſtoit deſia plus. En effet quand nous rentraſmes chez Clelie, il n’y auoit plus que quatre ou cinq de ſes Amies auec elle, qui ſe promenoient alors dans vn Iardin qui eſt chez ſon Pere : car encore que nous fuſſions allez de bonne heure au Logis de Nicius, il eſtoit pourtant aſſez tard pour ſe pouuoir promener ſans incommodité. De ſorte que Clelie ne vit pas pluſtoſt Aronce, qu’elle ſe mit à luy faire la guerre de l’auoir abandonnée le iour qu’elle celebroit la Feſte de ſa naiſſance. Quand vous ſçaurez ce qui m’y a obligé, luy dit-il, ie m’aſſure que vous n’en murmurerez pas : il pourra eſtre, luy repliqua-t’elle, que ie ne vous en accuſeray point : mais vous ne ſçauriez
