rant qu’Herminius fut querir ſes deux illuſtres Amis, il fut en eſtat de les aller receuoir à la porte de ſa Chambre lors qu’ils y vinrent. Brutus qui eſtoit dans ſa Maiſon puis qu’il demeuroit auec ſa Tante, fit paſſer Valerius & Herminius deuant luy : mais comme il ne falloit pas que cette conuerſation euſt de teſmoins, Aronce fit ſortir l’Eſclaue qui le ſeruoit, bien qu’il fuſt tres fidelle : apres quoy regardant Brutus auec admiration, il ne le vit plus tel qu’il auoit accouſtumé de le voir : car encore qu’il ne fuſt pas beau, il luy parut alors de bonne mine : ſa phiſionomie deuint ſpirituelle : & laiſſant agir ſon eſprit, ſans affecter cette ſimplicité dont il ſe ſeruoit pour le cacher, Aronce connut d’abord que celuy qu’il voyoit, eſtoit le meſme qu’il venoit d’entendre parler. Mais il le connut encore bien
