gagea à faire que ceux d’Ardée enuoyaſſent auſſi vers ce Roy ; Car encore que leur Ville fuſt aſſiegée, il y auoit pourtant touſiours quelqu’un qui y entroit ou qui en ſortoit. Mais comme Aronce ne pouuoit auertir Zenocrate, ny Celere que par le moyen d’Amilcar, il demanda permiſſion à Brutus & à Valerius, de luy communiquer leurs deſſeins, les aſſurant qu’il leur reſpondoit de ſa fidelité : vous y pouuez auſſi adiouſter de ſon adreſſe, reprit Herminius : il n’eſtoit pas neceſſaire, reprit Brutus, car ie ſçay par mon experience que cét Afriquain là eſt plus fin que tous les Romains. Ie ſuis meſme aſſuré qu’il a ſoupçonné que i’auois plus de raiſon qu’il n’en paroiſſoit par mes paroles : & ſi ie n’auois apporté vn ſoin particulier à eſuiter ſes regards, ie ſuis perſuadé qu’il auroit penetré
