iuſques dans le fonds de mon cœur.Quand il l’auroit fait, reprit Aronce, il ne vous en ſeroit arriué aucun mal, car Amilcar n’aime pas à nuire à ceux qui ne luy nuiſent point. Pendant que Brutus & Aronce parloient ainſi, Herminius fut ſurpris d’une reſuerie ſi profonde, que Valerius qui le touchoit luy en demanda la cauſe. D’abord il fit quelque diffuculté de la dire, mais Valerius ayant teſmoigné tout haut la curioſité qu’il en auoit, Aronce & Brutus ſe ioignirent à luy pour le preſſer de leur dire ce qu’il penſoit. De ſorte que ſe reſoluant à faire ce qu’ils vouloient ; ne penſez pas, leur dit-il, que la reſiſtance que ie vous ay faite vienne de l’enuie de vous faire vn ſecret de mes ſentimens ; mais i’euſſe bien voulu que vous m’euſſiez laiſſé decider en moy meſme ſi vn ſcrupule de vertu qui m’a paſſé
