ſi admirable, qu’elle eſtoit capable des connoiſſances les plus hautes : & elle auoit vne ſi grande Vertu, que ſon exemple n’auoit pas moins ſeruy à bannir le libertinage des femmes de ce lieu là, que les reprimandes de ſon Pere. Auſſi le ſçauant Archytas de Tarente, Alemeon de Crotone, & Hipaſe de Metapont, eſtoient-ils continuellement auec elle, & il n’eſtoit pas iuſques au redoutable Milon, dont la force prodigieuſe l’a rendu celebre par tout, qui ne fuſt ſoûmis à la puiſſance de ſes charmes, & qui ne rendiſt honneur à la mémoire de Pythagore, qui auoit logé chez ſon Pere du temps qu’il eſtoit à Crotone. Licinius croyant donc que Metapont eſtoit vne eſcole telle qu’il la falloit pour bien eſleuer le ieune Brutus, y fut auec Tarquinie. Mais Seigneur, i’auois oublié de vous dire, que Marcus Iunius en mourant
