regarde comme n’ayant aucun eſprit, aura aſſez de diſcretion pour ne deſcouurir pas qu’Aronce eſt caché chez ſa Tante ? ce n’eſt pas que ie ne ſois perſuadé qu’il a plus de ſens qu’on ne penſe, car ie l’ay veu ſourire deux ou trois fois trop à propos pour n’auoir aucune raiſon. Quoy qu’il en ſoit, fit la ſage Siuelia, ne craignez rien de Brutus, & ſoyez certain que ie ne voudrois pas auoir expoſé voſtre illuſtre Amy. Ie vous demande pardon Madame, reprit agreablement Amilcar, & ie ne vous le demande pas pour vn mediocre crime, puis que c’en eſt vn fort grand, que de ne m’eſtre pas abſolument confié à voſtre prudence ; & de m’eſtre voulu meſler de raiſonner ſur vne choſe que la ſage ſiualia auoit faite : mais ie vous aſſure que cette faute ne m’arriuera de ma vie, & qu’elle ne me ſeroit pas arriuée, ſi
