Le texte de cette page a été corrigé et est conforme au fac-similé.
94
L’INQUISITEUR
Jacot.
En voyant Dieu ouvrant en vous,
Faisant son œuvre à son desir,
Tout tourment vous semblera doulx,
Et n’eustes jamais tel plaisir.
Thiénot.
Qui voyt Dieu partout en tout lieu
Et ne veoit plus ne soy ny homme,
Il est par Grâce filz de Dieu,
Et Dieu, non plus homme, se nomme.
Clérot.
Las, si Adam n’eust poinct mengé
Du sçavoir de bien & de mal,
Dieu de luy ne se fust vengė,
Le rendant pis que anymal.
Thiénot.
Qui regarde soy, ou son euvre,
Comme fist le Pharisien,
Sa nudité si fort descœuvre
Qu’il se veoit plus villain qu’un chien.
Janot.
Croyez que qui est mort à soy
Par la vertu du Sainct Esprit,
Il ne vit pas, mais par la foy
En luy, sans plus, vit Jésuchrist.
Pérot.
Enfance ne cuyde rien estre,
Ne rien pouvoir, ne rien valloir ;
