Le texte de cette page a été corrigé et est conforme au fac-similé.
40
FARCE DES FILLES
La Première Femme.
Raison, que dictes vous ?
Estre au matin, au soir, à tous les coups
Injuriée, blasmée & plus reprise
Qu’une villaine en adultère prise,
Moy qui suis tant femme de bien, bellas,
Me nommer telle ? Ah, je ne le suis pas ;
Le cueur m’en part.
La Seconde Femme.
Le myen aussi me crève ;
Car ceste Amour, qui ne faict jamais tresve,
Me faict aymer, qui aymée ne suis.
Il ayme une autre, & souffrir ne le puis.
La Première Fille.
Mais que peuvent ces deux Femmes tant dire ?
La Seconde Fille.
Mais d’où leur vient si triste contenance ?
La Première Femme.
Quelle raison fait ces filles tant rire ?
La Seconde Femme.
D’avoir plaisir monstrent grant apparence.
La Première Femme.
Saichons un peu la cause de leur joye.
La Seconde Femme.
Je le veulx bien.