Le texte de cette page a été corrigé et est conforme au fac-similé.
256
LA COCHE
Sa grand bonté à ma povre escriture.
Et si povez croire que sa sentence
Telle sera comme le Roy la pense.
Ainsi pourrez, par ce tresseur refuge.
Avoir le Roy, que desirez, pour juge ;
Qui, sans refus, d’un cœur doux et humain,
Regardera, venant de telle main,
Tout ce discours, qui est digne de luy ;
Et l’Escriture aura pour son appuy
Celle qui peult la defendre de blasme,
Et l’excuser comme une œuvre de femme.
Ainsi pourra couvrir sa charité
Devant les yeux de la severité
Du Roy, qui fait à tous jugement droit,
Ce que j’ay trop failly en chasque endroit.
