Icele tumbe à grant honur.
Cil unt demandé et enquis,
A ceus qui èrent du païs,
De le tombe cui ele esteit,
E quel hum fu qui i gisseit.
Cil coumencièrent à plurer,
Et en plurant à racunter,
Que c’ert li mieudres Chevaliés,
Li plus fors è li plus proisiés,
Li plus biax è li plus amés,
Ki jamès soit è n’ière nés ;
De cel tere ot esté Reis,
Unques ne fu nus si curteis.
A Caerwent fu entrepris
Pur l’amur d’une Dame ocis ;
Unques puis n’éust mès signur,
Ains avuns atendu maint jur,
Un filz qu’en la Dame engenra,
Si cum il dist è cummanda.
Quant la Dame oït la nuvele,
A haute vois sun fil apele :
Biax Fils, fait-ele, avez oï
Que Dix nus ad amenés ci ;
C’est vostre Père qui ci gist,
Que cil Viellars à tort ocist.
A-tant li baille et tent l’espée
Que elle aveit lunc-tans gardée ;
E quant il ot çou counéu
Page:Marie de France - Poésies, éd. Roquefort, I, 1820.djvu/326
Cette page a été validée par deux contributeurs.
310
LAI D’YWENEC.
