Cette page a été validée par deux contributeurs.
396
LAI DU CHEVREFOIL.
Ele s’en vait luinz de sa gent :
Sa Meschine apelat à sei,
Brenguein qui fu de bone fei.
Del’ chemin un poi s’esluina,
Dedenz le bois celui trova,
Qui plus l’amot que rien vivant ;
Entre eus meinent joïe grant
A lui parlat tut à leisir,
E ele li dit sun pleisir.
Puis li mustra cum faitement,
Del Rei aurat acordement.
E que mut li aveit pesé
De céo qu’il ot sun cungié :
Par encusement l’aveit fait,
A-tant s’en part sun Ami lait.
Mès quant ceo vient al désevrer,
Dunc comencent-ils à plurer.
Tristam à Wales s’en r’alla
Tant que sis Uncles le manda.
Por la joie que il ot éue
De s’Amie qu’il ot véue,
E por ceo qu’il aveit escrit
Si cum la Reïne l’ot dit,
