Cum il ot ceus de là vencuz,
E cum il s’esteit cuntenuz ;
Unc mès teu Chevalier ne fu,
Lur Cunestable ad retenu,
E vint è noef des autres pris
E muz nafrez, è muz ocis.
Li Reis quant la novele oï,
A merveille s’en esjoï :
Jus de la tur est descenduz,
E encuntre Elidus venuz.
De sun bien-fait le mercia,
E il les prisuns li livra :
As autres départ le harneis,
A sun los ne retient que treis
Chevalers qui li èrent loé,
Tut ad départi è duné.
La sue part comunement
As prisuns è al autre gent ;
Après cel fet que jeo vus di,
Mut l’amat li Reis è chéri.
Un an entier l’ad retenu,
E ceus qui sunt od li venu ;
La fiance de li enprist,
De sa tere gardeur en fist.
Eliduc fu curteis è sage,
Beau Chevaler, è pruz, è large ;
La fill le Rei l’oï numer
E les biens de lui recunter :
Page:Marie de France - Poésies, éd. Roquefort, I, 1820.djvu/434
Cette page a été validée par deux contributeurs.
418
LAI D’ELIDUC.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page434-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)