Cette page a été validée par deux contributeurs.
492
LAI DE GRAELENT
Ne se d’amurs est arestés,
Car il deveit bien estre amés.
Dame, dist-il, jeo n’aime pas,
D’amurs tenir n’est mie gas ;
Cil deit estre de mut grant pris
Qui s’entremet qu’il seit amis :
Tel cinc cent parolent d’amur,
N’en sevent pas le pior tur,
Ne que est loiax druerie.
Ains lor rage à lor folie,
Perece, wiseuse è faintise
Enpire amor en mainte guise.
Amors demande caasté,[1]
En fais, en dis è en pensé :
Se l’uns des amans est loiax,
E li autre est jalox è faus,
Si est amors entr’ex fausée,
Ne puet avoir lunge durée.
Amors n’a soing de compagnun,
Boin amors n’est se de Dex nun,
De cors en cors, de cuer en cuer,
Autrement n’est prex à nul fuer.
Tulles qui parla d’amistié,
Dist assés bien en son ditié,
- ↑ Cette chasteté recommandée par Marie ainsi que ses
autres enseignements sur l’amour, font connoître la doctrine
mystique et raffinée en usage de son temps.
