Cette page n’a pas encore été corrigée
Que le vouloir, ta Response alongée
Seroit du tiers, et beaucoup mieulx songée :
Ce neantmoins (Vignals) je pense bien,
Que tu congnois, que le souverain bien
De l’amytié ne gist en longues Lettres,
En motz exquis, en grand nombre de Mettres,
En riche Rime, ou belle invention,
Ains en bon cueur, et vraye intention :
Dont je m’attends, que excusé je seray
De ton bon sens. Or à tant cesseray.
Ma Muse foible à peine peult chanter :
Mais pour le moins tu te peulx bien vanter,
Que de Marot tu as à ta commande
Petite Epistre, et amytié bien grande.
